Rusiye strategik raketalarınıñ 80%-ından çoqunı qullandı, amma ekseriyeti C-300 olğan taktik raketalarnıñ büyük qısmını saqlay (Rusiye arbiyleri bu raketalarnıñ bir qısmını ava mudafaa vastası olaraq degil, yer üstü nişanlarnı yoq etüv vastası olaraq qullana – muar.). Bu malümatnı Ukrayına Mudafaa naziri Oleksiy Reznikov aydınlattı.
«Barışıq formulası: «dünyanıñ ekinci ordusınıñ» raketa küçü Ukrayına ava mudafaasınıñ küçüne arttırılğan sanktsiyalarğa riayet etüvniñ sertligine tam mütenasiptir», – dep yazdı Reznikov Twitterde.
Ukrayına Mudafaa naziri, Rusiyede İran dronları az qaldı – ketirilgen 750-den 90-ı qaldı, dep qayd ete.
Rusiye Federatsiyası uçucısız ve raketalarnı qullanıp, Ukrayınağa, hususan Ukrayına energetik sistemasına kütleviy darbeler kerçekleştire. Böyle ücümlerniñ bir qaç ayından soñ energetik sistemanıñ büyük qısmı çalışmay, Ukrayınada em planlaştırılğan, em acele elektrik söndürüvleri ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
