Qırımtatar Milliy Meclisiniñ reisi Refat Çubarov, Rusiyeniñ zemaneviy sıñırlarında qalması yañı cenk telükesini yaratacaq, dep saya. Bunı Azatlıq Radiosınıñ Ukrayina hızmeti haber ete.
"Rusiye-Ukrayina cenkiniñ bitmesi yalıñız Ukrayina devletiniñ topraq bütünliginiñ temin etilmesindne ibaret degil. Bu yalıñız halqara cinayetçilerni ayıplamaq ve cezalamaq degil. Bu yalıñız cenk tazminatı degil. Eñ esası kelecekte kelecekte Rusiye tarafından tekrar tecavuz telükesiniñ qarşısını almaqtır. Bugün Rusiyeni bir vaqıtları Almaniya ile olğanı kibi suniy şekilde bölmege ihtiyac yoq. Dünya ve Ukrayina öz topraqlarında yaşağan, ekseriyeti ise istemeden Rusiyeniñ terkibne qoşulğanRusiye halqlarına öz muqadderatını tayin etme aqqını ombrge keçirmeleri içün şarait ve imkân yaratmalı", - dedi o.
Çubarov, Rusiye zemaneviy sıñırlarında qalmaqnı devam etse, bu tekrar cenkke sebep ola bilecegini tüşüne.
"10, 15, 50 yıldan soñ telüke kene peyda olacaq", - dep qoştı o.
Rusiye tarafı Refat Çubarovnıñ sözlerinin şimdilik daa izaatlamadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
