İğor Smeşkonıñ “Küç ve namus” (“Sila i çest”) firqası Kyivde iyün 8-inde qurultayında nevbetten tış parlament saylavlarında iştirak etecegi aqqında ilân etti. Firqa cedveliniñ aşkâr etilgen birinci onluğında - qırımtatar Milliy Meclisniñ reisi Refat Çubarov, dep bildire Azatlıq Radiosı.
Birinci onluqqa böyle adamlar kirdi:
1. İğor Smeşko;
2. Olena Sotnik;
3. Refat Çubarov;
4. İvan Mıroşnıçenko;
5. Volodımır Zamana;
6. Olğa Romanük;
7. Andriy Gayduk;
8. Irına Sısoyenko;
9. Volodımır Timoşenko;
10. Anatoliy Makarenko.
“Akimiyetke aqiqiy vatanperver ve mütehassıslarnı ketirmek - bizim vazifemizdir. Anda, bu qanun çıqarıcı organda birden çalışıp olacaq adamlar kelmeli, Çünki ögrenmek içün bir daqqada olmaycaq”, - dedi firqa reisi İğor Smeşko.
Onıñ aytqanına köre, “Küç ve namus” - konservativ demokratiyanıñ siyasiy küçüdir, o “Ukrainanıñ orta sınıfnıñ gimni olmaq istey”.
Firqa qurultayında “Regionlar partiyası”nıñ teşkilcilerinden biri Volodımır Semınojenko da oldı. Azatlıq Radiosına tefsir bergende o, Smeşkonıñ firqasınen Yuqarı Radağa ketecegi aqqında ayttı.
Anda olğanlarnıñ arasında Mihail Pojivanov da bar edi - sabıq iqtisadiyat naziriniñ muavini ve sabıq halq mebusı.
Yırcılar Svitlana ve Vitaliy Bilonijko da qurultayğa qoşuldı.
Qırım.Aqiqat, parlament saylavlarında iştiragi aqqında tefsir almaq içün Refat Çuberovnen bağlanmağa tırışa.
