Mayısnıñ 30-nda bazarertesi künüRusiye prezidenti Vladimir Putin ve Türkiye prezidenti Recep Tayyip Erdoğan telefondan laf ettiler.
Erdoğan, Türkiye İstanbulda Rusiye, Ukrayina ve BMT arasında körüşüv teşkil etmege ve Moskva ve Kıyiv bir fikirge kelgen taqdirde Ukrayinada ola bilecek közetüv missiyasında iştirak etmege azır olğanını bildirdi.
Bundan ğayrı prezidentler Suriyeniñ şimalindeki topraqlarda telükesizlikni muzakere ettiler. Erdoğannıñ sözlerine köre, andan Türiye ücüm etilmekte.
Öz nevbetinde Kreml, prezidentler Ukrayia lianlarından zahireniñ çıqarılmasını da muzakere etkenler.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
