Türkiye Cumhuriyeti Rusiyeniñ Qırım işğalini iç bir vaqıt tanımaycaq, dep bildirdi Türkiye prezidenti Recep Tayyip Erdoğan noyabrniñ 3-nde İstanbulda Ukraina prezidenti Petro Poroşenko ile beraber keçirgen brifingde.
«Qırımnıñ qanunsız ilhaqını tanımadıq ve tanımaycaqmız», – dedi Erdoğan.
Onıñ qayd etkenine köre, Türkiye Qırımda yaşağan qırımtatarlarnıñ aqlarını ve menfaatlarını qorçalamağa devam etecek.
Bu sene sentâbr ayınıñ soñunda Poroşenko BM Baş assambleyasınıñ 73-ünci sessiyasında Erdoğan ile körüşip, Türkiye zenaatdaşını Kremlniñ siyasiy esirleri olğan Ukraina vatandaşlarınıñ azat etilmesinde yardım etmesine çağırdı.
