Video kameraları, Rusiyeniñ Qırım işğaline qarşı Lenin meydanında Qırım ükümetiniñ binası ögünde bir kişilik narazılıq keçirgen kişini, qayd etti. Videoda körüne ki, Qırım «samooboronasınıñ» bir qaç vekili onı meydanda tutıp, maşinağa mindire.
Eki aftadan soñ Reşat Ametov Qarasuvbazar rayonınıñ Ortalan (Zemlâniçnoye) köyü yanındaki tarlada ölü tapıldı. Erkekniñ cesedinde işkence izleri bar edi, başı şeritnen sarılğan edi, yanında ise qırçma tapılğan edi. Daa soñra çıqarılğan neticelerge köre, ölümniñ sebebi közüne saplanğan pıçaq yarası oldı.
2014 senesi martnıñ 18-nje Reşat Ametovnı Aqmescitte Abdal mezarlığında kömdiler. Onı soñki yolğa ozğarmaq içün eki biñge yaqın adam toplanğan edi.
Qırım.Aqiqat bu nasıl olğanını hatırlay.
Reşat Ametovnıñ cenazesi. Nasıl edi (fotogalereya)
Yedi yıl evelsi Aqmescitte Reşat Ametov defin etildi. O, 2014 senesi martnıñ başında kündüz Aqmescitteke Qırım ükümetiniñ binası ögünde qaçırıldı. Bu, tanıtuv belgileri olmağan rus orusı ükümet binalarını zapt etip başlamasınıñ ertesi künü oldı.

1
Reşat Ametovnı soñki yolğa ozğarmaq içün eki biñge yaqın adam toplandı

2
Reşat Ametovnıñ cenazesinde bağış topladılar. Erkekniñ üç balası qaldı

3
Reşat Ametov Aqmescitteki «Abdal» mezarlığında defin etildi

4

5

6
Qırım Muhtar Cumhuriyetiniñ prokuraturası sentâbrniñ 10-nda Reşat Ametovnı öldürgenler belli oldı, dep bildirdi. Qırım Muhtar Cumhuriyetiniñ politsiyası qırımtatar faali Reşat Ametovnıñ hırsızlanması ve öldürilüvinden şübheli sayılğan «Qırım samooboronasınıñ» eki iştirakçisi ve Rusiye Silâlı Quvetleriniñ sabıq arbiyini qıdıruvğa ilân etti

7

8

9
Rusiye, «cinayetni etkenniñ şahsı belgilenilmegeni» sebebinden tahqiqni 2015 senesi mart ayında toqtattı. Qırımnıñ Rusiye başı Sergey Aksönov ise, «Qırım samooboronası» Reşat Ametovnıñ öldürüvine alâqadar degil, dep bildirdi

10

11

12
2017 senesi Ukraina prezidenti Petro Poroşenko, 2014 senesi baarde öldürilgen qırımtatar Reşat Ametovğa Ukraina Qaramanı unvanını berdi
Facebook Forum