Aqyarnıñ işğal yolbaşçısı Mihail Razvojayev şeerde "ses effektleri" aqqında bildirdi.
Onıñ sözlerine koye, General Jidilov soqağı civarında saat 11-den saat 14-ke qadar Rusiye FVN hadimleri sotsial reklama çekecekler.
"Tütün ve ses effektleri qullanılacaq", - dep haber etti o.
Aprelniñ 29-na keçken gecesi Aqyarnıñ Kazaçya körfezinde neft bazası yanmağa başlağan. Bunı Qırım.Aqiqat mühbiri haber ete. Onıñ sözlerine köre, yanğın küçlüdir, tuman yalıñız saba saatlarında qısmen dağıla başlağan. Gece saat ekilerde şu rayonda atış sesleri de eşitilgen. Şeerniñ işğal yolbaşçısı Mihail Razvojayev yaqıt rezervuarları yanğanını bildirdi.
Qırımdan olğan Rusiye senatorı Olga Kövitidi öz telegram kanalında Aqyardaki yanğın sebebinden Odesağa darbe endirilmesini talap etti.
Ukrayina akimiyeti yanğınnı izaat etmedi ve neft bazasında yüz bergen yanğın içün mesüliyetni üzerine almadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
