Rusiyeniñ Aqyar memuriyetiniñ yolbaşçısı Mihail Razvojayev şeerde pilotsız uçaq urıp tüşürilgenini tasdıqladı.
"Pilotsız uçaqnıñ parçalarınıñ bir qısmı hususiy sektordaki mesken bina üstüne tüşti. Fevqulâde vaziyetler nazirliginiñ malümatına köre, yanğın çıqqan, amma onı tez sözdürgenler", - dep yazdı o.
Evel Qırım.Aqiqat mühbirleri, bugün saba saat 7:40 Aqyarda patlav sesleri eşitilgenini haber etken edi.
O zaman Razvojayev şeerde ava mudafaası sesteması çalışqanını bildirdi.
Ukrayin arbiyleri Qırımdaki pilotsız uçaq aqqında malümatnı izaatlamadılar.
Keçken afta Aqyarda terror telükesiniñ yüksek ("sarı") seviyesini oktâbrniñ 28-ne qadar uzattırdılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
