Sentâbrniñ 25-nde Aqyarda duşman diversant gruppalarınıñ kirüvine qarşı sınav talimleri keçirilecek, dep bildirdi şeerniñ Rusiye yolbaşçısı Mihail Razvojayev.
Onıñ aytqanına köre, tahminen saat 12-den 14-ke qadar Şimaliy taraftaki yalı boyu meydanında, şu cümleden, uçaqlar ve vertolötlar iştiraginen Rusiye askerleriniñ talimleri keçirilecek.
Razvojayev yerli sakinlerni silâlı adamlar, teşkerüv noqtaları ya da mahsus tehnikanı körgende qasevetlenmemege çağırdı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
