Aqyarnıñ Rusiye yolbaşçısı Mihail Razvojayev yanvarniñ 23-nde ve 24-nde Aqyarda raatlıq künleri olacaq, dep ilân etti. Bu yanvarniñ 19-nda ava sebebinden olğan suv problemlerinen bağlı.
«Yanvarniñ 22-nden saat 13:00-den başlap komissiya qararınen qısqa iş kününi ilân etemiz, buyruqnı derc etecekmiz», – dep qoştı o.
Şeerniñ Rusiye yolbaşçısı bildirgenine köre, yanvarniñ 24-nde saat 20:00-ge qadar şeerde suv berilecek.
Yanvarniñ 19-nda Aqyarda yaramay ava sebebinden şeerge suv bergen gidrotehnik merkezler kirlendi. Olarnı temizlemege devam eteler, şunıñ içün yerli sakinlerge suv berilmey. Yanvarniñ 22-nde şeerniñ büyük qısmı cedvelge köre suv ala, bir qaç rayonda suv kesilmedi, qalğan rayonlarğa ise suv ketireler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
