İlhaq etilgen Aqyarda yañı turist mevsiminde fiyarlar 30%-ğa paalılaşa bile. Böyle tahminlerinen Aqyar şeer başı Mihail Razvojayev iyün 3-ünde paylaştı, bildire TASS agentligi.
Razvojayev, Rospotrebnadzor talapları sebebinden yerleşme saasınıñ masrafları artacağını qayd etti, böyleliknen, otel saipleri epidemiyağa qarşı tedbirlerniñ fiyatını yaşama fiyatına qoşmaq mecbur olacaq.
"İş adamlarnıñ aqça almağa yeri yoq, tek turistlerden", - qayd etti o ve fiyatlar tahminen 30%-ğa köterilecegini qoştı.
Daa evel Rusiye nezaretindeki akimiyet, Aqyar 2019-ıncı yılda 2018-inci yılğa köre 14,2%-ğa ziyadece para masraf etkenini bildirdi.
Qırım akimiyeti, 2020 yılda büdjey masraflarını 14%-ğa arttırğanlarını bildire, amma bu yılnıñ ilk dört ayında budjet kelirlerine bir milliard ruble yetmedi.
