«Sluğa narodu» («Halq hızmetçisi») firqasınıñ Ukraina halq deputatı Dmıtro Razumkov Ukraina Yuqarı Radasınıñ yolbaşçısı olaraq saylandı.
Onıñ namzetine 382 Ukraina halq deputatı qoltuttı, 26-sı qarşı çıqtı, olardan 25-i – «Yevropeyska solidarnist» («Avropa birdemligi») fraktsiyasınıñ azalarıdır.
İyülniñ 21-nde olıp keçken nevbetten tış parlament saylavları neticesinde prezidentke qoltutqan «Sluğa narodu» firqası Yuqarı Radağa 250 deputatnı kirsetti. Siyasiy küçniñ diger parlament firqası ile koalitsiya şekillendirmeyip, ükümetni şekillendirmek fırsatı bar.
