Rusiyeniñ Râzan şeeri yanındaki uçaq alanınıñ aviatsiya tehnikasınıñ durağında patlav oldı. Rusiye kütleviy haber vastalarınıñ yazğanına köre, benzin taşıyıcısı patladı, üç insan elâk oldı. Daa bir qaç kişi yaralandı, dep haber etile.
İlk malümatqa köre, patlavdan bir uçaq da zarar kördi.
Bundan ğayrı, Baza kanalı Telegramda yazğanına köre, dekabrniñ 5-nde saba belli olmağa uçucısız Saratov vilâyetiniñ uçaq alanındaki uçuv-qonuv yolağında tüşti. İlk malümatqa köre, uçucısız cihaz Engel şeeri yaqınındaki uçaq alanında tüşti. Eki arbiy yaralandı ve bombardıman yapqan eki uçaq zarar kördi, dep haber etile.
Rusiye akimiyeti bu malümatnı resmiy şekilde daa tasdıqlamadı.
Rusiye Mudafaa nazirligi de adise aqqında haber etmey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
