Link açıqlığı

Rusiye prezidenti Vladimir Putinniñ işğal etilgen Qırım ziyareti yersizdir. Bunı NATO baş kâtibi Anders Fogh Rasmussen bildirdi, dep haber ete Radіo Svoboda.

«Zanımca, onıñ Qırım ziyareti yersizdir», – dedi NATO baş kâtibi Tallinde.

Rasmussen şimdi de Ukraina sıñırından Rusiye ordularınıñ qaytarılmasını körmegenini aytıp keçti.

Rusiye prezidenti Vladimir Putin Ekinci cian cenkte ğalebeniñ 69 yıllığını qayd etmek içün bugün Qırımğa keldi.

Bu Rusiye Federatsiyası prezidentiniñ bu sene mart ayında etken Qırımnıñ işgalnden soñ yarımadanıñ ilk ziyaretidir.

Ukraina çetel işler nazirligi Rusiye prezidenti Vladimir Putinniñ Ukraina ile uyğunlaştırılmağan Qırım ziyaretine qattı narazılıqnı bildire.
XS
SM
MD
LG