Martnıñ 6-nda Rusiyeniñ Odesağa qarşı ücümi vaqtında Rusiye raketası Ukrayına prezidenti Volodımır Zelenskıy ve Yunanistan baş naziri Kiriakos Mitsotakisten 500 metrde patladı, dep bildirdi CNN menbası.
Onıñ malümatına köre, liderlerni taşığan kortej darbe aqibetlerini is etti ve «mantar şekilli» tumannı kördi.
Zelenskıy ve Mitsotakis zarar körmediler.
Ukrayına lideri darbeni körip eşitmek içün bayağı yaqın edi, dep ayttı. «Kimlernen oğraşamız köresiñiz, kimge ücüm etecekleri müim değil», – dedi Zelenskıy Odesada.
Rusiye arbiyleri çeşit silâlardan – dron, raketalar, RSZO - Ukrayına regionlarına muntazam surette ücüm ete.
Moskva, isbat ve şaatlıqlarğa baqmadan, tam cenk başlağanından berli Ukrayınada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
