Keçende işğal etilgen Aqyarnıñ yolbaşçısı Mihail Razvojayev şeerde ava telükesi ilân etilgenini bildirdi. Biraz soñra o, mesken evlerden biriniñ damına dron parçaları tüşkenini haber etti.
"ASTRA bildirgeni kibi ava telükesi signalı vaqtında Aqyar boyunca İİN idaresiniñ binasından polis hadimleriniñ episi tahliye etilgen. Biraz soñra İnjenerna deresi soqağındaki mesken evlerden biriniñ damına dron parçaları tüşti", - dep haber ettiler telegram kanalında.
ASTRA-nıñ malümatına köre, aynı vaqıtta İnjenerna dere soqağındaki qomşu evde urıp tüşürilgen raketa parçaları 4 arabağa zarar ketirgen. Haber etilgeni kibi, maşnalarnıñ episi bugünde Ukrayinada cenkleşken arbitslerge aittir. Zarar körgenler yoq.
Rusiye akimiyeti tahliye aqqında haber etmedi. Muarririyetniñ ASTRA malümatını tasdıqlaycaq diger malümatı yoq.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
