Ukraina prezidenti Volodımır Zelenskıynıñ Yuqarı Radanıñ vekâletlerini vaqtından evel toqtatmaq ve 2019 senesi iyülniñ 21-ne nevbetten tış saylavlarnıñ keçirilmesini belgilemek fermanı cumaaqşamı künü, mayısnıñ 23-nde, «Urâdovıy kuryer» ükümet neşirinde derc etildi.
Böylece, buyruq işke tüşürildi.
Zelenskıy Nazirler şurasına nevbetten tış parlament saylavları keçirilmesiniñ maliye etilmesini temin etmege de emir berdi.
Ukraina Yuqarı Radası Ukraina prezidenti Volodımır Zelenskıynıñ qanun leyhasını ve saylav qanunlarınıñ deñiştirilmesine dair alternativ qanun leyhasını kün tertibine kirsetmedi.
Ukraina Anayasasına köre, nevbetten tış parlament saylavları Ukraina Yuqarı Radasınıñ vekâletleri vaqtından evel toqtatılğanına dair qarar derc etilgeninden 60 kün içinde keçirile.
