Link açıqlığı

Saatnıñ esas haberi

Radada Donbas ve Qırımda ğayıp olğan insanlar aqqında sergi açıldı (+foto)


Ğayıp olğan Ukraina vatandaşları aqqında fotoresimler sergisi, 2021 senesi dekabrniñ 2-si
Ğayıp olğan Ukraina vatandaşları aqqında fotoresimler sergisi, 2021 senesi dekabrniñ 2-si

Ukraina Yuqarı Radasında vaqtınca işğal etilgen Donetsk ve Lugansk vilâyetleriniñ topraqlarında ve Rusiye işğal etken Qırımda ğayıp olğan Ukraina vatandaşları aqqında fotoresimler sergisi açıldı.

«Unutılğan oğullarnıñ anaları» sergisi
«Unutılğan oğullarnıñ anaları» sergisi

«Unutılğan oğullarnıñ anaları» fotoresimler sergisi Ğayıp olğan qorantalarnıñ birligi teşebbüsinen ve Ukraina halq deputatı Anatoliy Ostapenkonıñ teşkiliy qoltutuvınen azırlanıldı.

Ostapenkonıñ Tış işler nazirligine esaslanıp bildirgenine köre, Donbastaki cenk vaqtında 248 insandan çoq ğayıp oldı, 47-si arbiy ve yedek askeri ola. O, işğal altındaki Qırımda ğayıp olğanlar aqqında da hatırlattı.

«Fotoresimler ğayıp olğan insannıñ ikâyesini ayrı detal, hatırlav ve duyğular vastasınen tarif ete. Fotoresimlerdeki qaramanlarnıñ ikâyelerinen QR-kodnı oqutıp tanış olmaq mümkün», – dep aytıla haberde.

Kyivde avgustnıñ 30-nda Qırımda hırsızlanğan qırımlılarğa bağışlanğan «15 hırsızlanğan ömür» adlı sergi açıldı. Sergi, alâ daa bir haber alınamağan qırımlılarnıñ fotosüretleri ve ikâyelerinden ibaret edi.

Haber alınamağan ğayıp olğan qırımlılarnıñ cedveli derc etilgen edi: Valeriy Vaşçuk, İvan Bondarets, Vasiliy Çernış, Timur Şaymardanov, Seyran Zinedinov, İslâm Cepparov, Cevdet İslâmov, Eskender Apselâmov, Fedor Kostenko, Muhtar Arislanov, Arlen Terehov, Ruslan Ganiyev, Arsen Aliyev, Eskender İbraimov ve Ervin İbragimov.

Aq qorçalayıcılarnıñ malümatına köre, 2014 senesinden berli Qırımda 44 insan hırsızlandı. 19-ı sağ tapıldı, üçü apiste, biri ekstraditsiya etildi, altısı ölü tapıldı. 15 insandan alâ daa bir haber alınamadı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG