Oktâbr 17-sinde Yuqarı Rada, Ukrainanıñ territorial bütünligini qaytarmaq ve suverenitetini temin etmek içün devlet siyasetiniñ şekillenmesi ve kerçekleştirmesi meseleleri boyunca Muvaqqat Tahqiqat Komissiyasını (MTK) yarattı. Bu qararğa 316 mebus qol tuttı, dep bildire Radio Svoboda.
Komissiya terkibine 12 halq mebusı kirdi. MTK-niñ başı "Ğolos" ("Ses") fraktsiyasınıñ reisi Serğiy Rahmanin oldı, onıñ müavini olaraq "Sluğa narodu" ("Halq hızmetçisi")fraktsiyasınıñ reisi Oleksandr Korniyenko tayinlendi.
Komissiyağa "Halq jhızmetçisi"niñ yedi vekili kirdi - David Arahamiya, Maryana Bezuglaya, İgor Gerasimenko, Aleksandr Zavitneviç, Nikita Poturayev, Maksim Tkaçenko, Bogdan Yaremenko. Komissiyada "Avropa birdemligini"niñ vekili İrına Geraşçenko olacaq, "Batkivşçina"nıñ - Serğiy Sobolev, "Kelecek içün" mbus taqımını - Dmıtro Lubınets.
Donbassta silâlı çatışuv Qırım ilhaqından soñ, 2014 senesi başlandı. Ukraina ve Ğarb, Rusiye boyeviklerge qol tutqanında qabaatlay. Kreml bunı red ete.
BMT-nıñ sayuvlarına köre, 2018 senesi dekabr 31-ine qadar Donbassta silâlı çatışmada 13 biñge qadar adam elâk oldı.
