Link açıqlığı

Rada tamır halqlar aq-uquqları aqqında qanun leyhasını deñişmeler kirsetilgen soñ baqacaq


Ukraina Yuqarı Radası UDAR fraktsiyası deputatı Vitaliy Kliçkonıñ Ukraina tamır halqlar aq-uquqları aqqında qanun leyhasına deñişmeler kirsetmege teklif etti.

Bugünki toplaşuvda deputatlar tamır halqlar aqqında eki qanun leyhasını muzakere etip başladı. «Batkivşçina» fratsiyası deputatı Gennadiy Moskalnıñ qanun leyhasını qabul etmediler, Kliçkonıñ qanun leyhasına ise deñişmeler kirsetmege teklif ettiler.

Deputatlar eñ yaqın vaqıtta tamır halqlar aqlarına riayet etüv saasında deputatlarnıñ tekliflerini köz ögüne alıp, halq deputatı Mustafa Cemilevniñ qanun leyhasını baqmağa planlaştıralar.

Kliçkonıñ qanun leyhasında «Ukraina tamır halqı» añlamınıñ manası mevcut. Berilgen malümatqa köre, bu ıstılanıñ tarifine esaslanıp, Ukrainanıñ tamır halqları olaraq qırımtatarlar, qaraylar ve qırımçaqlarnı tanımağa teklif etile.

Qanun leyhasına binaen, tamır halqlarnıñ öz kelecegini, kendi siyasiy statusı ve iqtisadiy, içtimaiy ve medeniy inkişafını serbest şekilde amelge keçirmek aqqı olacaq.

Bunıñnen beraber, leyha tamır halqlarğa olarnıñ tarihiy vatanında, toplu yaşağan yerlerde ve faydalanğan resurslarğa aqlarını pekitmege teklif ete.

Mart ayında Yuqarı Rada qırımtatar halqını Qırımda tamır halqı olaraq tanıp, bu statusnıñ bütün uquqiy ve içtimaiy neticelerini qabul etti.
XS
SM
MD
LG