Qırımda raalanıcılar Kezlev civarındaki S-400 avadan ücümlerge qarşı mudafaa sistemasınıñ fotoresimlerini çekti ve olarnı içtimaiy ağlarda paylaştı.
Bu, Terekli Qoñrat köyü yaqınlarındaki Terekli gölüniñ etrafında oldı. Cuma ve cumaertesi künleri bu yerde avadan ücümlerge qarşı mudafaa sisteması çalışqanını bildirgen ediler. Bazar künü aqşam işğal etilgen Aqyarnıñ valisi Mihail Razvojayev de telegram kanalında Rusiye avadan ücümlergen qarşı mudafaa sistemaları "Kezlevden Belbekke kelgen obyektlerni yoq etkenlerini" haber etken edi. Cumaaertesi künü pilotsız uçaq Rusiye Qara deñiz flotunıñ ştab dairesine ücüm etti.
Mustaqil OSINT tahqiqatçısı Bencamin Pittet VKontakte qullanıcısı tarafından iyülniñ soñunda derci etilgen avadan ücümlergen qarşı mudafaa sistemalarınıñ resmine diqqat çekti. Fotoda coğrafiy koordinatlar bar edi. Buu koordinatlar resimler Terekli Qoñrat yaqınlarında çekilgenini köstere. İnternette buña beñzen diger resimler de bar.
Soñki afta içinde Qırımda birden bir qaç arbiy obyektte patlavlar yüz berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
