Raatlıq künlerinde Qırım ve Herson vilâyeti arasındaki memuriy sıñırnı 1114 adam keçti.
Hersondaki sıñırcılar taqımı, kiriş-çıqış noqtaları normal rejimde çalışmanı devam etkenini bildire.
"Böylece, iyün 27, 28 ve 29-ında memuriy sıñırdan 1114 adam keçti, olardan 533-ü - vaqtınca işğal etilgen topraqqa ve 581-i - Ukrainanıñ qıtasına", - denile beyanatta.
Ukrain sıñırcılarnıñ malümatına köre, rusiye küç organları soñki üç künde Qırımğa 164 adamnı yibermedi.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
