Qıtayda yañı virustan ölgen 17 insan aqqında bildireler. Olar virus tarqalğan merkez – Uhan şeerindeki Hubeyde qayd etildi, dep haber ete Azatlıq Radiosı.
Qıtay akimiyeti yañı koronavirusqa oğrağan 571 insan aqqında haber etti.
Uhan akimiyeti cemaat naqliyatı areketiniñ toqtatıluvı aqqında ilân etip, sakinlerden mesken yerlerinden çıqmamalarını rica eteler.
Yanvarniñ 21-nde Amerika Birleşken Devletlerinde daa evel belli olmağan koronavirus sebebinden ilk infektsiya qayd etildi. Berilgen malümatqa köre, yanvarniñ 15-nde hasta Seattlege Qıtaydan keldi. Onıñ pnevmoniyası qayd etildi, testler sebebi yañı koronavirus olğanını tasdıqladı.
Yañı virusnen bağlı hastalıq aqqında haberler Tayland, Yaponiya, Tayvan ve Cenübiy Koreyadan da kele.
Koronavirus pnevmoniyanıñ sebebi degil, onı yeñecek vastalar yoq, tek alâmetleri yoq etile bile. Daa evel hasta olğan onlarnen kişi yahşı olıp, hastahaneden çıqtı.
