Yanvarnıñ 22 qayd etilgen Birleşüv Künü munasebeti ile qırımtatar caz çalğıcısı Üsein Bekirovğa “Nam qazanğan Ukraina artisti” unvanı berildi. Buña ait ferman Prezident ofisiniñ saytında yayınlanğan.
"Devlet, Qırım Ukrainanıñ olğanını ve olacağını ve onıñ oğrunda küreşecegi aqqında daa bir işaret bere", – dep haber etile QMC Ukraina prezidenti temsilciliginiñ Facebook saifesinde.
Üsein Bekirov – etnocaz, etnofyüjn, fank ve başqa üslüplerde çalğan qırımtatar caz çalğıcısı. Bogdan Gümenük, Dennis Adu, İgor Zakus, Barri Brengard kibi çalğıcılarnen işbirlik ete. "Ethnovation", "Oakmen" taqımlarınen beraber ve öz caz kvintetinde çala.
1982 senesi feravlnıñ 23-nde Özbekistanda doğdı. 1990 senesi qorantası öz tarihiy Vatatanına Aqmescitke köçti. Şimdiki vaqıtta Üsein Bekirov Kyivde yaşay.
