Qırımnıñ Rusiye prokuraturası Bağçasarayda keçirgen teşkerüv vaqtında «Maşa ve Ayuv» ve «Balaland» bala oyun odalarında bir sıra bozuv qayd etildi. Bu aqta müessiseniñ matbuat hızmeti haber ete.
«Attraktsion tehnikası qayd etilmedi ve onıñ qullanmasına izin bergen talonlar yoq, attraktsionlarnıñ tehnik vaziyeti de yahşı degil. Bundan ğayrı, oyun odalarında yanğın telükesizliginiñ talaplarına keregi kibi riayet etilmey», — dep bildirdi prokuratura.
Qayd etilgenine köre, Bağçasaray rayonınıñ prokurorı eki iş adamına qarşı Qırım qanunınıñ 3.13 maddesi (attraktsion tehnikasınıñ qaydı ve işletüv qaidelerini bozuv) ve Rusiye Memuriy cinayetler kodeksiniñ 20.4 maddesiniñ 1-inci qısmına (yanğın telükesizliginiñ talaplarını bozuv) istinaden memuriy cinayetler aqqında dava açtırdı.
Malümat baqıluvı neticesinde qabaatlı olğanlar 10 biñden 15 biñ rublege qadar para cezasını aldı.
