Link açıqlığı

Saatnıñ esas haberi

Qırımnıñ hastahanelerinde Keriçteki ücümde yaralanğan yedi kişi qala – Sağlıq nazirligi


Oktâbrniñ 17-nde ücüm olğan Keriç politehnik oquv yurtu
Oktâbrniñ 17-nde ücüm olğan Keriç politehnik oquv yurtu

Noyabrniñ 6-nda Qırımnıñ hastahanelerinde Keriç politehnik oquv yurtuında olğan patlav ve atışuv neticesinde yaralanğan yedi insan qala. Bu aqta yarımadanıñ Rusiye Sağlıq nazirligi bildire.

«Beş gençniñ sağlıq vaziyetini ekimler orta ağır dep saya. Eki büyükniñ alı ise orta ağır ve yengil ağır», – dep aytıla haberde.

Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.

Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG