Qırımlı uquq qoruyıcı Abdureşit Ceppar 12 kün apis müddetinden soñ azat etilgen. Bunı "Qırım birdemligi" cemaat birleşmesi haber etti.
Haber etilgeni kibi, mühbirler izaat alır eken, OMON ve Rusiye gavardiyası hadimleri kelip, çeküvni toqtatmağa talap etken ve advokatlar Emil Kürbedinov, Edem Semedlâyev ve Rustem Kâmilevniñ pasport malümatını yazıp alğan.
"Tintüv künü olarnıñ "tur!" emrinden uyandım!". Menden tahminen 40-45 santimetr uzaqlıqta pıştav edi, yataqnıñ yan tarafında ise bizge doğru baqqan tüfek edi. Soñra er keste kibi tintüv keçirdiler, türlü "protseduralar" oldı. Başata FSB, soñra EKM, soñra mahkeme ve soñunda men mında Pavlenko 1 soqağında "spetspriyomnik"tem", - dedi Cepparov.
Aprelniñ 25-nde saba saat 7-lerde Cepparovnıñ evinde tintüv başladı. Evde ömür arqadaşı ve 14 yaşında qızı bar edi. Cep telefonları alındı ve advokatnı çağırmağa izin bermediler. Tintüvden soñ Rusiye uquq qoruyıcıları qırımlı cemaatçını tutıp aldı. Aprelniñ 26-nda Rusiye kontrolindeki Qırımnıñ Qarasuvbazar rayon mahkemesi tutulğan qırımtatar aq qorçalayıcısı Abdureşit Cepparovnı "poliske riayet etmegeni" içün 12 künge apiske aldı.
Abdureşit Cepparov ilk sefer tutulmay. Bıltır mart ayında da evi tintilgen edi. Bundan soñ Rusiye kontrolindeki Qarasuvbazar rayon mahkemesi aq qorçalayıcı ve qırımtatar milliy areketiniñ veteranını apiske alğan edi. O vaqıt Cepparov içtimaiy ağlarda «natsist atributikasınıñ ve timsalleriniñ propagandası» qabaatı ile 15 künge apiske alınğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
