Link açıqlığı

Saatnıñ esas haberi

Öldürüv, hırsızlav, Meclis: Qırımdaki Rusiye Tahqiqat komitetiniñ eñ gürültili işleri (fotoresimler) 

BM, Ukraina ve çoqusı memleket tarafından tanılmağan «Qırım referendumından soñ» işğal altındaki yarımadada Rusiye akimiyet organlarını qurıp başladılar. Martnıñ 25-nde mında Qırımdaki Rusiye Tahqiqat komitetiniñ tahqiqat idaresi peyda oldı. Qurulış reberi olaraq Rusiye adliye general-leytenantı Mihail Nazarov tayin etildi.

Tahqiqat idaresinde 24 şeer ve rayon tahqiqat bölügi quruldı. Qırım içün yañı qurulış hadimleri yarımadağa qomşu Rusiyeniñ farqlı regionlarından işke yollanıldı.

Tahqiqat komiteti, onıñ vazifesi «şahsiyet, cemaat telükesizligi ve cemaat nizamı, devlet akimiyeti, idare nizamı, adliyege qarşı ve iqtisadiyat saasında ağır ve pek ağır cinayetler» aqqında cinaiy davalarnı tahqiq etmek, dep bildire. Bu – öldürüv, namusqa keçüv, insannı hırsızlav, iş ve qabarcılıq cinayetleri, terrorizm ve ilâhre.

Aq qorçalayıcılarnıñ fikirince, Tahqiqat komiteti Qırım işğalinen razı olmağan faal ukrain ve qırımtatarlarnı taqip ete. Hususan, qurulış qırımtatar halqınıñ liderleri Mustafa Cemilev ve Refat Çubarovğa qarşı açqan cinaiy davaları sebebinden tenqit etile. Qırımda açılğan bir çoq dava tahqiq etilmedi, bazı vaziyetlerde ise Tahqiqat komiteti dava açmağa razı olmay. 2016 senesi hırsızlanğan qırımtatar faali Ervin İbragimovnıñ bulunğan yeri ve qırımtatar milliy areketiniñ veteranı Veciye Kaşkanıñ ölüminde qabaatlı olğanlar alâ daa belli degil.

Halqara uquqqa köre, işğal etilgen topraqta cinayetlerden ve olarnıñ tahqiq etilmesinden işğalci devlet mesüliyetli ola. Jeneva şartnamesi işğal altındaki topraqta işğalci memleketniñ qanunlarını qullanmağa yasaq ete.

Yanvarniñ 15-nde qomşu Rusiyede Tahqiqat komitetini quruv künü qayd etile. Qırımdaki Tahqiqat komiteti 2014 senesinden berli ne yaptı – Qırım.Aqiqat fotoresimlerinde baqıñız.


Facebook Forum

XS
SM
MD
LG