Link açıqlığı

Saatnıñ esas haberi

Qırımda üç yıl evelsi qırımtatar faali Ervin İbragimov hırsızlanğan edi. Onı öyle de tapmadılar


Ervin İbragimov
Ervin İbragimov

Bağçasarayda 2016 senesi mayısnıñ 24-nde aqşam şeer şurasınıñ deputatı, Dünya Qırımtatar Kongressi icra komitetiniñ azası Ervin İbragimov hırsızlanğan edi. Onıñ maşinası yol ortasında tapıldı. Ğayıp olğan kişi mayısnıñ 25-nde Meclis azalarınen beraber Sudaqqa baracaq edi, anda qırımtatar faalleriniñ mahkemesi planlaştırılğan edi.

Qırımtatar faali Nariman Celâl tutulğanını video nezareti kameraları qayd etti, dep bildirdi. Video uquq qoruyıcı organlarına berildi.

«Videoda, onı körgenlerniñ aytqanlarına köre, yol patrul hızmetiniñ urbasında insanlar bar, olar Ervin İbragimovnı toqtatıp, maşinadan alalar ve diger avtobusqa mindireler, ondan soñ ise keteler», – dep aytqan edi Celâl 2016 senesi.

Daa soñra Ervin İbragimovnı Bağçasarayda tutuv videosını kütleviy haber vastaları derc etti.

Ğayıp olğan insannıñ babası yarımadanıñ Rusiye prokuraturasına ariza berip, oğlunı qıdırmağa rica etti.

Qırım Muhtar Cumhuriyetiniñ prokuraturası Ervin İbragimovnıñ ğayıp olmasınen bağlı mahkemeden evel tahqiqat keçirmekte.

Qırım aq qorçalayıcı gruppası İbragimovnı Rusiye akimiyeti ya da onıñ kontrolindeki gruppalar hırsızladı, dep tahmin ete.

Kyivde Ervin İbragimovnıñ ğayıp olğanını hatırlatmaq içün er ay «Ervin qayda?» aq qorçalayıcı aktsiyaları keçirilmekte.

XS
SM
MD
LG