Aqmescit-Yalta yolunıñ 75-inci kilometrinde Kezlev-Yalta yolcu avtobusı yanmağa başladı, dep bildire Qırımdaki Rusiye Fevqulâde vaziyetler hızmetiniñ idaresi.
«Yaralanğanlar yoq. Avtobus yolcuları başqa naqliyatnen Yaltağa yol aldı», – dep aytıla qaza haberinde.
Qurtarıcılarnıñ malümatına köre, adise yerine acele yardım hızmeti yollanıldı.
Avgust ayınıñ soñunda Aqmescitteki Kurortnaya avtostantsiyasında yolcu trolleybusınıñ yanğını söndürilgen edi. Bundan evel ise Aqmescit-Kefe yolunda eki yolcu avtobusı yanğan edi.
