Link açıqlığı

Saatnıñ esas haberi

Qırımda yañı COVID-19 antirekordı qayd etildi. Bir kün içinde – 32 hasta


İşğal etilgen Qırımda keçken künü 32 koronavirus hastası qayd etildi. Bu aqta mayısnıñ 6-nda COVID-19 ile küreş operativ ştabı toplaşuvında haber etildi.

«Vaziyet yaramay, keçken künü 32 yañı koronavirus hastası qayd etildi. 29-ı Aluşta şeer hastahanesiniñ hadimleri ve hastaları arasında qırğınlıqqa qarşı tedbirler keçirilgende qayd etildi – 24 insan ve Qırımdaki «FMBA tibbiy yardım ve tibbiy tehnologiyalar çeşitleri ilmiy-klinik federal merkeziniñ «yuqunç bölüginde 5 kişi. Bir hasta daa evel hastalanğanlar olğan qorantada qayd etildi, ekisi – tibbiy yardım içün muracaat etken soñ laborator tedqiq neticesinde», – dep bildirdi Rusiye kontrolindeki Qırım yolbaşçısı Sergey Aksenov.

Onıñ aytqanına köre, hastalar yuqunç hastahanesine alındı.

Aksenovnıñ ştab toplaşuvında qayd etkeninen köre, Aluşta observatorında hastalanğanlar arasında 6 ekim bar, qalğanları hastalardır. Yañı hastalar arasında – 6 yaltalı, 5-i eski ocaqtan ve 1 qadın – qaydan hastalanğanı belli degil. Daa bir kişi Aqmescitte hastalandı – yaqından Moskvadan kelgen qadın. Bir qırımlı Krasnoperekop rayonınıñ Tuzla (Poçetnoye) köyünde hastalandı, şimdi Canköy hastahanesinde buluna.

Böylece, al-azırda Qırımda 160 yañı koronavirus hastası qayd etildi. 21-i çetelden keldi, 17-si – Rusiyeden. 22 hastanıñ Rusiyeden kelgenlernen alâqası oldı, 100 kişi laboratoriyada tasdıqlanğan hastalarnen alâqada olğan edi. 41 kişi tüzeldi. Bir hasta vefat etti. Aqyarda 98 COVID-19 hastası bar, eki insan vefat etti.

Qırğınlıq devamında Qırımda bir künde eñ çoq hasta sayısı aprelniñ 24-nde qayd etildi – 10 kişi.

Qırımnıñ Rusiye akimiyeti bildirgenine köre, mayısnıñ 12-nden itibaren maska rejimini kirsetmege azır. Daa evel Qırımda yüksek seviyeli azırlıq rejimi mayısnıñ 11-ne qadar uzatılğan edi, Aqyarda onı mayısnıñ 30-na qadar uzatqanlar.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG