Keriçniñ Rusiye memuriyetiniñ başı Sergey Borozdin saba iyünniñ 17-nde, bol yağanaqlar sebebinden şeerniñ merkeziy soqaqaları suv astında qalğanlarını haber etti.
«Yaramay ava sebebinden merkeziy soqaqlarnıñ Yeremenko, Furmanova, Büdennogo ve ŞGS çaprazı, Karla Marksa, Komarova, suv astında qalması içün öz maşnanen çıqmamağa tevsiye etem. Soqaq ve çprazlar keçilmez», – dep qayd etti o.
Onıñ malümatına köre, şiddetli yağanaqlar neticesinde Melek-Çesme özeni taşqan, tahminen 12 eki ev ve 1-nci hastahane suv astında qalğan.
«Şeer memuriyetiniñ Fevqulâde vaziyetler nazirliginiñ yardımınen adamlarnı qurtarmağa tırışamız, ağır tehnika, cemaat naqliyatı celp etilgen», – dep haber etti Borozdin.
Qırım FVN malümatına köre, keçende İçki rayonınıñ Ferngeym köyünde, İslâm-Terek rayonında Örehovka qasabasında ve Kirovskoye köyünde evler ve azbarlarnı suv basqan.
Berilgen malümatqa köre, gece Qırımnıñ Yedi Quyu qasabasındaki köyni suv basqan, onlarnen adam tahliye etilgen.
