Qırımda qurtarıcılar oktâbrniñ 20-22-nde olacaq suvuqlar aqqında acele ihtarını ilân etti. Bu aqta Qırımdaki Rusiye Fevqulâde vaziyetler nazirliginiñ idaresi bildire.
«Oktâbrniñ 20, 21 ve 22-nde gece ve saba çöl ve bayır rayonlarınıñ topraqlarında -1…-3 derece suvuqlar olacaq», – dep aytıla haberde.
Qurtarıcılar, fevqulâde vaziyetler ve adiseler olma telükesi bar, dep ayta. Köy hocalıq östürmeleri zarar köre ve öle bile, erte açqan bürler zarar köre bile.
«FOBOS» ava merkeziniñ mütehassısı Yevgeniy Tişkovets bu afta Qırımda iklim norması işareti altında keçecek, dep bildirgen edi.
