Qırımnıñ işğali başlağanından berli eñ az 18 kişi "qırımtatar batalyonında iştirak" içün mahküm etilgen. Olardan dörtü 2023 senesi, dep haber ete "QırımSOS" uquq qoruyıcı teşkilâtı.
Talilci Yevgen Yaroşenkonıñ fikrince, Rusiye akimiyeti "Noman Çelebicihan batalyonı davası"nı riayetkâr olmağan qırımlılarnıñ taqibi içün "universal" madde kibi qullana.
"Batalyonda iştirak qabaatı sayesinde qırımtatarlarnıñ daa keniş kategoriyalarını qavrap almaq mümkün. Batalyon vaziyetinde daa az isbatlayıcı baza kerek", - dep qayd etti o.
Hatırlatamız, işğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukrayina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukrayina İç işler nazirligine ait Ukrayina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
