Seyit Eli (Juravki) köyü yanında gaz borusında olğan qazadan sebep Qırımnıñ on bir köyünde eki biñden ziyade insan gazsız qaldı. Bu aqta Rusiye Energetika nazirliginiñ vaziyet-analitik merkezi bildirdi.
«Saat 14.15-te gaz borusınıñ bozulğan yeri qapatıldı, rayonnıñ 11 mesken yerinde 2 183 insannıñ gaz teminlevi toqtatıldı. Qaza-tamir işleri keçirile», – dep bildirdi Rusiye Energetika nazirligi.
Merkezniñ malümatına köre, qaza bugün saat 14.00-da İslâm Terek rayonınıñ Seyit Eli (Juravki) köyünde oldı. Haber etilgenine köre, topraq işleri keçirilgende 140 mm diametrli yüksek basım gaz borusı bozuldı.
