"Taqip etilgen qadınlarnıñ sayısınıñ artqanını köremiz. Em cinaiy, em de memuriy davalar boyunca taqip eteler. Hususan, "Rusiye Silâlı quvetleriniñ itibardan tüşürilmesi" maddesine istinaden. Bu repostlar ya da içtimaiy ağlardaki yazılar, ya da sanki bir de bir laflar", — dep tarif etti Korotkih.
Onıñ qayd etkenine köre, Rusiyeniñ Ukrayinağa istilâsı başlamazdan evel, sekiz yıllıq ilhaq devamında "casuslıq" ve "devlet hainligi" içün taqip etilgen insanlarnıñ sayısı 10-ğa qadar edi.
"Tam miqyaslı istilâdan evel, bir insannı casuslıq ya da devlet hainliginde qabaatlamaq içün, yarımada territoriyasında ya da qorantasında Ukrayina Silâlı quvetleriniñ zabitleri ya da askerleri olğan adamlarnı ya da pensiyada olğan ukrayin zabitlerini qıdıra ediler. Bu işler böyle insanlarğa yapıla edi", — dep qayd etti Korotkih.
Rusiye Federatsiyasınıñ büyük istilâsı başlağanından berli, Korotkihniñ aytqanına köre, Qırımdaki Rusiye quvetçilerine bir insannı "casuslıq" ya da "devlet hainligi" davasını uydurmaq içün foto çıqarğanında ya da bir yerge yollağanında qabaatlamaq yeterlidir.
"Bu şaraitlerde ealige bir de bir satqın ya da casus aqqında ikâyeni satmaq daa qolay", — dep qoştı advokat.
QRM-niñ malümatına köre, Rusiye Qırım yarımadasını ilhaq etkeninden berli 370 siyasiy sebepli cinaiy taqip qayd etildi, olardan 228 — qırımtatarlarğa qarşı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
