"Qırım" - aynı zamanda büyük bir arbiy lager ve anbar, anda yüzlernen arbiy obyektler bar, rusiyeliler ise olarnı öz vatandaşları olaraq gizlemege tırışalar. Olar ise, öz nevbetinde, vatandaş işğalcileri olalar", — dedi Podolâk.
O şunı da qayd etti ki, Qırımda "bir de bir plâj, turistik zonalar ve tınç yaşayışınıñ diger sahte alâmetleri yoq ve olamaz". "Qırım" - bu, şübesiz ki, Rusiye tarafından işğal etilgen, cenk areketleri alıp barılğan, büyük cenk alıp barılğan ecnebiy territoriyadır. Rusiye yalıñız genotsid ve basqıncı maqsatnen başlağan cenkn", — dep qayd etti o.
İyünniñ 23-nde saba yerli ve rusiyeli telegram kanalları Aqyar, Kezlev ve Saq rayonlarında patlavlarğa oşağan yüksek sesler ve ava mudafaasınıñ işi aqqında bildirdiler. ASTRA telegram kanalınıñ Aqyar sakinlerine atfı etip yazğanına köre, ücüm vaqtında şeerde ava telükesi aqqında signal yoq edi, plâjlarda ise balaları ile çoq qoranta bar edi. Daa soñra Razvojayev Uçkuyevkada ve Lübimovkada elâk olğan ve yaralanğanlar aqqında bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
