İşğal etilgen Qırımda Rusiye akimiyeti Ukrayinağa qarşı cenkte iştirak etmek içün parağa askerlik yapqanlarnı celp etüv taktikasını deñiştire, dep bildirdi Qırım.Aqiqatqa Qırım aq qorçalayıcılarından biri.
Onıñ malümatına köre, şimdi Rusiye akimiyeti, kontrakt hızmetiniñ kütleviy haber vastalarındaki reklamasına daa az resurs sarf ete, ve daa çoq potensial askerlernen doğrudan-doğru bağlanuvğa diqqat ete.
"Soñki vaqıtları yerli matbuat vastalarında, meselâ, Qarasuvbazar rayonınıñ "Selskaya nov" gazetinde muqavele hızmetiniñ reklaması olmağanını körem. Diger rayonlarda da aynı vaziyet. Tış reklama azlaştı. Rusiye akimiyeti, özüni coyğanlarnı red etip, öz çağıruv usullarını deñiştirmekte. Şimdi ise, qayd etüv içün eñ kelişikli olğan qırımlılar ile çalışuvnıñ marketing ameliyatına diqqat ayırıla", — dep tarif etti aq qoruyıcı.
Aq qoruyıcı qayd etkenine köre, bu işke atta poçtacılarnı celp eteler.
"Potensial askerler" cedvelinde olğan Qırımlılar içün poçtacılar ara-sıra kontrakt hızmetiniñ reklama broşürlerini ketire. Bundan ğayrı, olarnen arbiy komissarlıqlarnıñ ve yerli memuriyetlerniñ vekilleri subetleşe. Bu hususan köy rayonlarında kerçekleşe. Qırımdaki Rusiye arbiy komissarlığınıñ menbası bildirdi ki, Qırımnıñ Rusiye akimiyeti RF Mudafaa nazirliginiñ parağa askerlil yapqanlarnı celp etüv planını yerine ketirmege tırışa", — dedi aq qoruyıcı.
İşğal etilgen Qırımda Rusiye polisiniñ bölük hadimleri Ukrayinağa qarşı cenkte Rusiye ordusına parağa askerlik yapqanlarnı celp etüv planını yerine ketirmek içün celp etile.
