Qırımda bir afta devamında yetmiş üç hasta koronavirustan vefat etti – bu pandemiya devamında eñ büyük raqam oldı, dep bildirdi avgustnıñ 4-nde Qırım ve Aqyardaki Rospotrebnadzor idaresiniñ yolbaşçısı Natalya Penkovskaya COVID-19 ile küreş operativ ştabınıñ toplaşuvında.
«Soñki afta içinde 73 vefat qayd etildi. Yañı koronavirus yuqunçını közetüv müddeti devamında bu eñ büyük raqam oldı», – dep ayttı Penkovskaya.
Onıñ bildirgenine köre, vefat etkenlerniñ 20%-ı 65 yaş kiçik edi.
Operativ ştabnıñ malümatına köre, umumen pandemiya başlağanından Qırımda 60 biñden çoq vefat qayd etildi, tahminen 51 biñ insan tüzeldi, tahminen 1,8 hasta vefat etti.
Qırımda soñki künde 15 insan koronavirustan vefat etti – bir kün evelsi vefat etkenlerniñ sayısı bir kişi az edi, Qırımda pandemiya vaqtında bir künde vefat etkenlerniñ sayısı eñ büyük oldı. Aqyarda avgustnıñ 4-nde 175 yañı COVID-19 hastası qayd etildi, daa 6 hasta vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
