Saatnıñ esas haberi

Qırımda Keriç köprüne yapılğan yañı ücümden soñ avtobus reysleri lâğu etildi, trenler ise keç qalıp başladı

Tasviriy resim
Tasviriy resim

Rusiye ilhaq etken Qırımda Boşnıñ 19-ı sabasında Rusiyege ketken avtobus marşrutları lâğu etildi, daa bir ücümden soñ Keriç köpründe yürüş toqtatılğanı sebebinden üç yolcu treni keç qala. Bu aqta Rusiye naqliye şirketleri ve Rusiye nezareti altında olğan Qırım akimiyeti haber ettiler.

Rusiyeniñ naqliye nazirliginiñ malümatına köre, Keriç köprüniñ demiryol qısımında vaqtınca tren areketi toqtatılğan.

Rusiye taşıyıcısı "Grand Servis Ekspress"niñ malümatına köre, Qırımğa yol alğan üç "Tavriya" treni keç qala: biri Sankt-Peterburgdan ve ekisi Moskvadan. Eki tren Taman-Passajirskaya stansiyasında tura, daa biri başqa stansiyada toqtağan.

Bundan da ğayrı, Keriç köprüniñ qapatılğanı sebebinden Qırımdan avtobus marşrutları lâğu etildi. Rusiyeniñ "Krımavtotrans" şirketi, yolcular öz biletlerini qaytara bileler dep ilân etti.

Rusiye nezareti altındaki Qırımnıñ başı Sergey Aksönov, Keriç köpründe tren yürüşi Boşnıñ 19-da tahminen aqşam saat 16:00-da ğayrıdan başlanmaq planlaştırıla. Onıñ aytqanına köre, demiryol işçileri ücümniñ neticelerini yoq etmek içün çalışalar.

Bundan evel Boşnıñ 19-na keçer gecesi Keriç köprüne daa bir ücüm endirilgeni aqqında haber berildi. Keriç civarında bir qaç patlav eşitildi, şaatlar köpürniñ demiryol qısmına uruluvlar aqqında haber ettiler. Bu zararnıñ tasdıqı daa yoq.

Soñki bir qaç kün içinde bu Keriç köprüne endirilgen üçünci ücümdir.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
​
XS
SM
MD
LG