Qırımda iyülniñ 3-6-nda fevqulâde yanğın telükesi qalacaq. Bu aqta Qırımdaki Rusiye Fevqulâde vaziyetler nazirliginiñ idaresi Qırımnıñ gidromettsentrine esaslanıp bildire.
Daa evel haber etilgeni kibi, keçken ay quru ot ve çöplük yanğanından Qırımda 336 yanğın oldı.
Hatırlatamız, Qırımda iyülniñ 1-2-nde fevqulâde yanğın telükesi ilân etilgen edi.
Daa evel haber etilgeni kibi, Qırımğa keçken raatlıq künleri olğan suvuq avadan soñ kene sıcaqlar kele.
İyünniñ 24-nde Qırımda ava bozulğan edi. Yaltada bir qaç soqaq ve yerastı keçitni suv bastı, Aqmescitte ise elektrik naqil hatları bozulğanı içün şeerniñ bir qısmı ışıqsız qaldı.
Qırımda iyünniñ 26-ndan 29-na qadar yanğın telükesi yüksek olğanından ateş yaqmağa yasaq etildi.
