Qırımnıñ bütün territoriyasında elektrik teminlevi sıñırlanmağa devam ete, dep bildire "Krımenergo".
"Qırım Cumhuriyetiniñ bütün territoriyasında elektrik teminlevi sıñırlana", - dep aytıla müessise haberinde.
Anda qayd ettiler ki, söndürüvler energetik rayonlardaki vaziyetke köre tez vaqıtta yapıla.
Aynı zamanda Armannıñ 16-nda Qırımda 35 meskün yerniñ suv teminlevi sıñırlandı, dep bildire "Voda Krım" Rusiye müessisesi.
İlk yazdan başlap, arbiy ve energetik obyektler ve Qırımdaki Rusiye logistika yolları cenk vaqtında ordunıñ eñ büyük ücümlerine oğray. Er kün yañı zararlar aqqında haberler peyda ola, Qırımda yaqıt qıtlığı sebebinden vatandaşlarğa benzin satılmasını sıñırladılar.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.