Link açıqlığı

Saatnıñ esas haberi

Qırımda eki yañı koronavirus hastası qayd etildi – Aksenov


Nümüneviy resim
Nümüneviy resim

Aprelniñ 12-nde saba Qırımda eki yañı COVID-19 koronavirus hastası qayd etildi. Bu aqta Qırımnıñ Rusiye yolbaşçısı Sergey Aksenov Qırımda koronavirus yuqunçınıñ tarqaluvına qarşı meseleler operativ ştabınıñ toplaşuvında bildirdi.

«Bir hasta aprelniñ 1-nde qorantada hastanen alâqada olğanı içün hastahanege alınğan edi. Ekincisi Moskvadan kelgen yaqın soyünen alâqada olğanı içün hastalandı, tuvğanınıñ keskin nefes yuqunçı alâmetleri bar edi. Ekisi de yuqunç hastahanelerine alındı. Qırğınlıqqa qarşı tedbirler tolusınen yapıldı», – dep qayd etti Aksenov.

Aprelniñ 12-si sabasına qadar Qırımda 31 koronavirus hastası qayd etildi. 22-si ketirildi, doquzı yerli ola. 12 insan tüzelip yuqunç hastahanesinden çıqarıldı, dep qayd etti Aksenov.

Koronavirus Qırımda: Kezlev civarındaki observator nedir (video)
Bekleñiz, lütfen

No media source currently available

0:00 0:03:51 0:00

Qırımda aprelniñ 11-nde bir koronavirus hastası qayd etilgen edi.

Aqyarda altı insan hastalandı, dördü tüzeldi.

Qırımda özüni izolâtsiya etüv rejimi aprelniñ 30-na qadar, Aqyarda ise aprelniñ 19-na qadar uzatıldı.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG