İlhaq etilgen Qırımda 2019 senesiniñ ilk yarım yılında 9 biñden ziyade bala dünyağa keldi, dep haber ete yarımadanıñ Rusiye adliye nazirliginiñ matbuat hızmeti.
Bu malümatqa köre, eñ çoq yañı doğğan bala Aqmescit ve Aqmescit rayonında qayd etildi.
«2019 senesiniñ ilk yarım yılı içinde 9 biñ 93 bala doğdı. Eñ çoq Aqmescitte ve Aqmescit rayonında doğğanlar oldı – 3 219, Kezlevde – 575, Yaltada – 564 ve Keriçte – 547. Eñ az bala yarım yıl içinde Aqşeyh rayonında doğdı – 93, Ermeni Bazarda – 98 ve Aqmeçit rayonında – 113», – dep aytıla haberde.
Eñ az qoyulğan adlar: Peresvet, Kenan, Alteya, Sona, İvetta, Esene, Angelina-Mira, Gor, Levon, Salsabil, Yasna, Daniyar, Yasmin, Vildan, İsa, Elay.
2018 senesi iyül ayında Qırımda yarım yıl içinde 9499 bala doğdı, dep haber etilgen edi. Bu raqam 2015-2017 seneleriniñ aynı müddetine köre az edi.
O yılnıñ noyabr ayında Qırımda balası doğğan ya da birinci balası evlâtlıqqa alınğan 494 qorantağa Rusiyeniñ er aylıq parası berilmedi. Üç insannıñ kârı 47853 rubleden çoq olğan ailelerge yardım parası berilmey.
