Link açıqlığı

Saatnıñ esas haberi

Qırımda daa eki COVID-19 hastası bar, biri 95 yaşında qadın


Qırımda aprelniñ 26-nda daa eki COVID-19 hastası qayl etildi. Hastalar arasında 95 yaşında qadın bar. Bu aqta Qırımnıñ Rusiye yolbaşçısı Sergey Aksenov yañı koronavirus yuqunçınıñ tarqaluvına qarşı operativ ştab toplaşuvında bildirdi.

«Eki hasta bar. Birincisi – Aluşta şeeri, 1925 senesi doğğan qadın, kimden hastalanğanı daa belli degil. Ekincisi – Bağçasaray rayonı – Biya Sala (Verhoreçye)», – dep qayd etti Aksenov.

Qırım ve Aqyardaki Rospotrebnadzor idaresiniñ yolbaşçısı Natalya Penkovskaya haber etkenine köre, Bağçasaray rayonında hastalanğan qadın Aqmescit klinik hastahanesine alındı, bağda olğan beş kişi observatorğa yollanıldı.

Vaktsina ne vaqıt olacaq: alimler yañı koronavirusnı ögrenmege devam eteler (video)
Bekleñiz, lütfen

No media source currently available

0:00 0:04:15 0:00

«Aluştada COVID-19 hastası yatqan şeer hastahanesiniñ terapevtik bölügini observatsiyağa qapatmağa qarar aldıq. Hastahanede 17 insan observatsiyada buluna – 15-i tibbiyet hadimi ve eki hasta. Aluştada hastanen alâqada olğan 105 kişi bar», – dep bildirdi Penkovskaya.

Umumen Qırımda 69 koronavirus hastası qayd etildi, Aqyarda – 31.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG