Link açıqlığı

Saatnıñ esas haberi

Qırımda COVID-19dan “büyük aşılama”: akimiyet ilk nevbette kim aşılanacağını bildirdi


Qırımnıñ Rusiye başı Sergey Aksönov dekabrniñ 15-nde yarımadada koronavirus yuqunçından “büyük aşılama başlana”, dep bildirdi. İlk nevbette tibbiyet hadimleri aşılanacaq.

“Bugun Qırımda aşılama başlana. Al-azırda cumhuriyette olğan vaktsina miqadarı ile tek 500 adam aşılana bile. Bugün 30-50 kişi aşılanacaq. Eñ yaqın vaqıtta Qırım ve Aqyar içün daa biñ vaktsina dozası berilecek. İlk nevbette tibbiyet hadimleri aşılanacaqlar. Soñra aşılanğanlarnıñ kündelik sayısı alınğan vaktsina miqdarına bağlı olacaq”, – yazıla bildirmede.

Onıñ aytqanına köre, vaktsina miqadırı alınğan sayın, yañı koronavirus yuqunçından aşılanacaq vatandaş kategoriyalarınıñ cedveli keñişlenecek, kelecekte ise “poliklinikalarda kütleviy aşılav yapılacaq” eken.

Ealini kütleviy şekilde aşılav azırlığı aqqında noyabr ayında Qırımnıñ Rusiye Sağlıq nazirligi bildirgen edi.

"Sputnik V" Rusiye aşısı sınavlarınıñ bazı iştirakçileriniñ koronavirus testi müsbet çıqtı.

Oktâbrniñ 22-nde bildirilgenine köre, Qırımda ilk tibbiyet hadimlerine Rusiye koronavirus aşısı yapılıp başladı.

Oktâbrniñ 29-nda Qırımda COVID-19 Rusiye aşısı ekimlerge yapılıp baqıldı.

Bundan evel Aqyar akimiyeti COVID-19 aşısını alğan ilk tibbiyet hadimleri aqqında esabat berdi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG