Saatnıñ esas haberi

Qırımda COVID-19 hastalarınıñ sayısı artması sebebinden qoşma sıñırlavlar tayin etilmeycek – Aksönov

Sergey Aksönov
Sergey Aksönov

Qırımnıñ işğal başı Sergey Aksönov, akimiyet yarımadada COVID-19 hastalarınıñ sayısı artması sebebinden qoşma sıñırlavlar tayin etilmeycegini bildirdi. Bunı TASS Rusiye devlet malümat agentligi haber ete.

«Şimdige qadar nasıldır bir esnasnı sıñırlaycaq sert qararlar qabul etmeymiz. Şimdilik olğanı kibi aynı protsederalar çerçivesinde areket etemiz», – dedi Aksönov.

Qırımda oktâbrniñ 1-nde saba 398 yañı COVID-19 hastası qayd etildi.

Qırım ve Aqyardaki Rospotrebnadzor idaresi bildirgenine köre, Qırımnıñ bir çoq rayonında koronavirus vaziyeti kerginleşti. Müessise, Qırımda dördünci koronavirus dalğası beklenile, lâkin qırımlılar daa az aşı olmağa başladı, dep qayd etti.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

​
XS
SM
MD
LG