Link açıqlığı

Saatnıñ esas haberi

Qırımda bir künde kene 400-den çoq koronavirus hastası qayd etildi – akimiyet


Qırımda bir künde 293 insan yahşı oldı
Qırımda bir künde 293 insan yahşı oldı

Keçken künü Qırımda 402 yañı koronavirus hastası qayd etildi, dep bildirdi Qırımnıñ Rusiye yolbaşçısı Sergey Aksenov.

«344 hasta tibbiy yardım içün muracaat etkende qayd etildi, 58 kişi daa evel qayd etilgen hastalarnen alâqada oldı, 1 hasta çetelden keldi. Bir künde 293 insan yahşı oldı, bütün müddet devamında 47 517 kişi tüzeldi», – dep aytıla içtimaiy ağlardaki saifesinde.

Qırım akimiyeti 405 yañı koronavirus hastası aqqında bildirgen edi, Aqyarda ise 130 yañı COVID-19 hastası qayd etildi. Qırım sağlıq naziriniñ muavini Anton Lâskovskiy koronavirus hastaları içün 10% boş yer qaldı, dep qayd etti.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG