Link açıqlığı

Saatnıñ esas haberi

Qırımda bir künde 146 koronavirus hastası qayd etildi – akimiyet


Nümüneviy resim
Nümüneviy resim

Keçken künü Qırımda 146 koronavirus hastası qayd etildi, dep bildire Qırımnıñ Rusiye yolbaşçısı Sergey Aksenov.

«57-siniñ hastalıq alâmetleri yoq edi. 54 hasta tibbiy yardım içün muracaat etkende qayd etildi, 92-si daa evel hastalanğanlarnen alâqada oldı», – dep aytıla içtimaiy ağlardaki haberde.

Onıñ malümatına köre, keçken künü Qırımdaki laboratoriyalar 5542 insannıñ tedqiqini yaptı. 4729 kişi tüzeldi. Qırımnıñ Rusiye Sağlıq nazirliginiñ soñki malümatına köre, pandemiya vaqtında 8387 COVID-19 hastası qayd etildi, 121 hasta vefat etti.

Aqyarda epidemiya vaqtında 2037 kişi hastalandı, 1289 insan tüzeldi, 58 hasta vefat etti.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG