Qırımda Aqmescit ve Kezlev arasında qatnağan elektriçkalarnıñ areketi toqtatıldı, dep bildire Cenübiy şeer civarındaki yolcu şirketiniñ matbuat hızmeti.
Bundan ğayrı, Canköyden ve oña doğru trenler areketi sıñırlandı.
Kezlevden şeer civarındaki trenlerniñ areketi vaqtınca toqtatıldı. Canköyden/Canköyge şeer civarındaki trenler yalıñız Elevatornaya stantsiyasına qadar qatnay.
Yol areketiniñ toqtatılmasınıñ sebebini şirket bildirmedi.
Daa evel, Oraqnıñ 3-nde gece Qırım dron ücümine oğradı, dep haber etilgen edi. "Krımskiy veter" telegram-kanalı abunecilerine atış ve patlavlar aqqında haber etti. Aqyarda Fiolent burnu ve Qaçı uçaq alanı, Bağçasaray rayonında, Sarabuz qasabasında, Aqm
İlk yazda Qırımdaki arbiy ve energetika obyektleri, Rusiye logistik yolları Ukrayina Silâlı quvetleriniñ eñ büyük ücümlerine oğray. Er kün yañı nişanlarğa darbeler aqqında haber etile, Qırımda yaqarlıq qıtlığı sebebinden adiy insanlarğa benzin satılmay, elektrik energiyası cedvelge köre berile, Keriç köpründe ise nevbetler bar. Bala şifahane müessiseleri ve lagerleri sentâbr ayına qadar raatlanğanlarnı qabul etmey.
Ukrayina Mudafaa naziri Mıhaylo Fedorov darbelerniñ maqsadını añlattı – "Qırım dronlarnen izolâtsiya etile". Onıñ aytqanına köre, bu "rusiyeliler içün pek beklenilmegen aqibetlerge yol aça bile".
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.